Bugun Samarqand tuman axborot-kutubxona markaziga  kitobxonlar tashrif buyurishdi. Tashrif davomida bolalar kutubxona faoliyati, kitob fondi hamda kitobxonlar uchun yaratilgan sharoitlar bilan yaqindan tanishdilar.Ekskursiya jarayonida ularga kitob mutolaasining ahamiyati, bilim olish va bo‘sh vaqtni mazmunli tashkil etishda kitobning o‘rni haqida qiziqarli suhbat o‘tkazildi. Bolalar o‘zlarini qiziqtirgan savollarga javob olib, turli badiiy va bolalar adabiyotlari bilan tanishish imkoniyatiga ega bo‘ldilar.Bunday uchrashuvlar yosh avlod qalbida kitobga mehr uyg‘otish, mutolaa madaniyatini rivojlantirish hamda ma'naviy kamolotga xizmat qiladi. Kitob – bilim va ezgulik sari yetaklovchi eng yaqin do‘st!