Samarqand tuman axborot-kutubxona markazida har juma kuni an’anaviy tarzda o‘tkazib kelinadigan ma’naviy-ma’rifiy soat doirasida, 6-yanvar kuni navbatdagi tadbir bo‘lib o‘tdi. Tadbirda 52-maktab o‘quvchilari faol ishtirok etdilar. Uchrashuv davomida ma’naviyat, kitobxonlik madaniyati, milliy va umuminsoniy qadriyatlar haqida atroflicha fikr almashildi. O‘quvchilar uchun foydali ma’lumotlar berilib, ularning bilim va dunyoqarashini kengaytirishga alohida e’tibor qaratildi.Mazkur tadbir yoshlarni ma’naviy barkamollik ruhida tarbiyalash, kitobga bo‘lgan qiziqishni yanada oshirishga xizmat qildi.